Are we now wearing pyjamas night and day??....

Hvað er málið?? Þið foreldrar unglinsstúlkna, viljið þið segja mér það?

Ítrekað hef ég rekist á tvær, þrjár eða fleiri unglingsstúlkur saman, íklæddar buxum með hangandi hnjám í, bleikröndóttum, bleikköflóttum, rjómalituðum með bleikum hjörtum, Hello Kitty-bangsar þrykktir á sumar eða bara gamli góði, brúni teddy bear á aðrar. Ég undra mig alltaf jafn mikið á klæðnaði þessarra stúlkna og stend mig að því að stara í laumi.

Eru þetta náttbuxur?? Í mínum augum líta þessar buxur út eins og náttbuxur  Eða er þetta tískan í dag hjá stelpunum? Og ég er greinilega ekki að skilja hana.....

Að ofan virðast þær fullkomlega eðlilega klæddar, í hettupeysum, magabolum eða öðru, og jafnvel skótauið virðist eðlilegt.... týpískir Converse-skór, Van's skór eða ballerínuskór. Annað er líklega ekki IN. Enda svipar hverjum til annars, allavega svona séð úr fjarlægð með 35 ára gömlum augum.....

En.... er þetta virkilega tískuklæðnaður eða er þetta bara hentugt á unglingsárunum, að geta "hent" sér út á náttfötunum og sparað þannig örlítinn tíma?

Mér finnst þetta ótrúlega ljótur klæðnaður, en oh my God, ef þetta er í TÍSKU, þá endilega innleiðið þetta í fullorðinstískuna líka. Myndi spara mér töluverðan tíma á morgnana, ef ég gæti bara skrattast af stað í vinnuna í náttbuxunum. Maður þyrfti í raun aldrei að skipta..... náttbuxur á nóttunni, náttbuxur á daginn, náttbuxur á meðan maður eldar og samt væri maður alltaf IN og í tískunni   

Athugasemdir

[Jóna Kolbrún Garðarsdóttir, 7.5.2008 kl. 00:21]

Hérna á Nesinu saumuðu stelpurnar í  Valhúsaskóla smart náttbuxur fyrir 2 árum til þess að ganga í þeim, á daginn í skólanum og við hin ýmsu tækifæri   Mín stelpa hefur oft farið með mér í útréttingar í náttbuxunum. 

[Hólmdís Hjartardóttir, 7.5.2008 kl. 00:59]

Varstu að taka fyrst eftir þessu núna Lilja?..

[Húsmóðir, 7.5.2008 kl. 11:03]

Ég hélt að þetta væri í fullorðinstískunni líka - í fyrra voru það nokkrar ( kannski ekki mjög virðulegar ) mæður á fertugsaldri sem komu yfirleitt á náttubxunum að sækja börnin sín seinni part dags. 

Þó ég sé líka móðir á fertugsaldri ( ekki heldur mjög virðuleg ) þá ákvað ég að halda náttbuxunum bara heima

[Sigrún Óskars, 7.5.2008 kl. 13:03]

Þetta er sko IN í dag. Unglingsgæinn minner stundum í Boxer náttbuxum, en ekki í skólanum eins og stelpurnar gera. Undarleg tíska!

[Helga Linnet, 7.5.2008 kl. 13:08]

Ég segi nú bara eins og 16 ára dóttir mín: "gosh hvað þú ert orðin gömul"

Nei...ég er alveg sammála. Finnst ekkert hallærislegra en að sjá fólk/börn/konur/karla á náttbuxunum að versla í Bónus!!!!!!

Ég á náttbuxur og ég nota þær óspart....heima

[Róslín A. Valdemarsdóttir, 7.5.2008 kl. 15:36]

Þær eru góðar í ferðalög og heima.
Annað finnst mér bara letipúkaskapur..

[Guðrún Þorleifs, 7.5.2008 kl. 17:09]

Sá þetta heima fyrir 2 árum í Kringlunni. Dætur mínar hafa ekki tekið þetta upp hér

[Lilja G. Bolladóttir, 7.5.2008 kl. 19:06]

Guð, er þetta virkilega búið að vera í gangi í 2 ÁR?? Ég er greinilega með athyglisbrest á nokkuð háu stigi.....