Haha, ég hlæ nú bara að ykkur, stjórnendum LSH!

Þessi fyrirsláttur stjórnenda LSH og heilbrigðisráðherra um vinnutilskipan Evrópusambandsins er náttúrlega bara út í hött. Það vita allir starfsmenn LSH og hlæja að þessarri vitleysu saman, og í sundur, þegar þeir sjá þessa vitleysu endurtekið í fréttum.

Fyrir það fyrsta, erum við ekki í Evrópusambandinu eins og okkur öllum má vera ljóst..... og fyrir það annað, þá vinnur örugglega 80% starfsfólks LSH á undanþágu frá þessarri vinnutilskipan nú þegar. (Það er greinilega þannig, að ef stjórnvöld geta ekki ákveðið hvort þau vilji vera í ESB eða ekki, þá mega þau velja og hafna hvaða reglum þeirra þau ákveða að hlíta, eða hvað.... höfum við ekkert að segja um þessi mál???)  

Það er EKKI rétt að vaktafyrirkomulagi hafi verið breytt á spítalanum síðustu ár á mörgum deildum, það ER LYGI. Og ótrúlegt að enginn skuli hafa mótmælt þessarri lygi fyrr. Nefnið okkur, heilbrigðisstarfsfólki, dæmi um deild, þar sem vaktafyrirkomulagi hefur verið breytt síðustu ár og nefnið okkur þá deild sem staðið hefur við það!! Nefnið okkur deildina nákvæmlega, eða deildarnar, svo ekkert fari á milli mála, og þá KANNSKI trúum við ykkur. En EKKI koma fram í fjölmiðlum og ljúga að bæði okkur og þjóðinni!!! Við erum langþreytt á bæði því og ykkur. 

Stjórnendur spítalans hafa í mörg ár lifað vegna þögn "þegna" sinna, öðru nafni starfsfólks, enginn mótmælir opinberlega og enginn segir neitt. Hvers vegna?? Hvers vegna gerum við aldrei neitt? Jú, vegna þess að okkur er stöðugt still upp við þann vegg, að skyldum við grípa til aðgerða eða mótmæla af einhverju tagi, þá bitnar það á þeim sem það alls ekki á að bitna á, sem sagt sjúklingunum. Okkar mótmæli ná aldrei upp á borð þeirra sem eitthvað hafa um það að segja, vegna þess að VIÐ HEILBRIGÐISSTARFSFÓLK ERUM EINMITT ALLTAF AÐ SETJA SJÚKLINGANA FRAMAR ÖLLU. En hvenær er komið nóg? Og hvenær megum við eiginlega segja stopp í nafni okkar og okkar réttinda? Hve lengi eigum við að láta valta yfir okkur af öllum?

Ég hef unnið á Landspítalanum þegar hann var háskólasjúkrahús og líka þegar hann var það ekki, og ég hef unnið þar bæði sem starfsmaður spítalans og sem starfsmaður einkarekins fyrirtækis, og samtals í þónokkur ár, ég hef unnið á 15 deildum spítalans og ég get fullyrt, að EKKI hefur verið breytt vaktafyrirkomulagi og EKKI er verið að fara eftir þessarri vinnutilskipan á þeim deildum sem ég hef unnið á. Alls staðar er lögmálið bara það, að "REDDA DEGINUM" eða redda helginni, (sama hvað hver starfsmaður kemur til með að vinna langar vaktir, hvort hann nær hvíld á milli vakta eða hversu langri hvíld skiptir stjórnendur ekki máli, og það er STAÐREYND - FUCK ÞESSARRI EURO-TILSKIPAN Í ÞEIM TILVIKUM!!! (sem eru náttúrlega mýmörg)), og það virðist líka vera í samræmi við stjórnunarhætti stjórnenda þessa "góða" spítala!!! Bjarga fyrir horn. Og alltaf á síðustu stundu. Aldrei hugsað fram í tímann og aldrei hugsað um þann mannauð sem spítalinn Á OG HEFUR! (Okkur má greinilega alltaf skipta út með annaðhvort nemum, nýútskrifuðum eða útlendingum). Skítt með hvernig þetta lítur út á morgun, eftir viku eða mánuð. Og hver á að kenna hverjum.... eggið, hænan, eða kannski Anna Stefánsdóttir, sem telur sig eiga ráð undir rifi hverju. Stjórnendur LSH hafa aldrei látið sig þetta varða, fyrr en nú þegar þeir standa opinberlega í deilum og þurfa loksins að rökstyðja sitt mál, þeir hafa ALDREI skipt sér af því fólki sem vinnur alla þá vinnu, sem spítalann og landsmenn skipta mestu máli, þeim er skítsama um allt nema það að koma vel fyrir í fjölmiðlum.... og þeir geta það ekki einu sinni. Þeir koma a.m.k. ekki vel fyrir okkar sjónir, sem til málsins þekkja.

Ástandið er öllu starfsfólki (amk. íslenskumælandi) ljóst, þetta er algjörlega ólíðandi, bæði sjúklingum og starfsfólki, verið er að ganga frá fólki með yfirvinnu SEM ÞAÐ VILL EKKI SJÁLFT, öfugt við það sem heilbrigðisráðherra heldur, sem lifir greinilega í þeirri trú, að allir séu að sækjast eftir yfirvinnu. Ekki veit ég hvernig heilbrigðisráðherra hefur hugsað sér að reka deildir, sem eiga jafnvel bara yfir að ráða um 40% af þeim mannafla sem þarf til reksturs, án yfirvinnu..... því a.m.k. hættir fólk ekki að vera veikt og eldra.... Think about that, dear minister! Starfsfólk er orðið langþreytt og meira en það, það er orðið útbrunnið, farið að hnýta hvert í annað, margir yfirmenn eru að gefast upp á ástandinu, og þá er ég AÐ SJÁLFSÖGÐU EKKI AÐ TALA UM ÆÐSTU YFIRMENN SPÍTALANS SEM LIFA Í GLERTURNI, heldur hina, því einhverra hluta vegna, þá á þessi spítali svo ótrúlega mikið af "loyal", duglegu og samviskusömu starfsfólki, (og að mínu mati ótrúlega mikið meðvirku þessu ömurlega ástandi sem þarna ríkir)..... þetta er það starfsfólk sem ber þennan spítala uppi, EKKI yfirmenn spítalans, þótt þeir vilji alltaf hljóma þannig. Þetta er starfsfólkið sem heldur deildum gangandi dag, kvöld og nótt....sama hvernig mönnunin er og sama hve veikt fólk það þarf að hugsa um, þetta er starfsfólkið sem hugsar um sjúklinga í allavega ástandi, sem hugsar um okkur öll þegar við erum veik, sinnir sinni vinnu og gerir allt eftir bestu getu og oft langt umfram það miðað við aðstæður. Það eru EKKI æðstu yfirmenn spítalans sem halda þessu batteríi gangandi, sem þó vilja alltaf láta líta út eins og þeir séu nær daglegir gestir á öllum göngum spítalans og þekki "nær allt starfsfólk með nafni".... 

En fær allt þetta frábæra starfsfólk LSH það þakkað eða metið? Fáum við jólagjöf?? Nei, við fáum ekki einu sinni JÓLAKORT frá okkar opinbera vinnustað. NEI, ALDREI, HVORKI AF YFIRMÖNNUM SPÍTALANS NÉ AF STJÓRNVÖLDUM ER OKKUR ÞAKKAРOG ÞIÐ SKYLDUÐ ÖLL SKAMMAST YKKAR.

VIРberum ykkar allra líf oft í okkar höndum, hvort sem það er byrjandi líf, tímabundin veikindi, skyndileg veikindi, slys eða langvarandi veikindi, lífslok, gleði eða sorg aðstandenda..... en VIÐ fáum aldrei nema skammir frá okkar æðstu yfirmönnum fyrir okkar framlag og eins og það væri ekki nóg, þá fáum við illa útborgað þar að auki. (Þótt svo okkur finnist gefandi að bjarga mannslífum, þá verslum við ekki í Bónus fyrir það eitt og sér, því miður - þá værum við rík...) Enda erum við langflest búin að gefa frat í ykkur, stjórnendur, fyrir löngu síðan, þótt ekkert okkar hafi gert það á jafn flottan, eða að minnsta kosti, samstilltan hátt og skurðhjúkrunarfræðingar gerðu núna. Mörg okkar hafa gert það á einhvern hátt nú þegar, bæði leynt og ljóst.

Það getur vel verið, að stjórnendur Ríkisins og LSH vilji fara að þessari Evróputilskipan, og þykist vera að því, þeir ljúga að þjóðinni að verið sé að gera þetta OG STJÓRNENDUR SPÍTALANS OG STJÓRNVÖLD LJÚGA ÞVÍ að þjóðinni að búið sé að breyta vaktafyrirkomulagi á langflestum deildum spítalans. Þetta er einfaldlega lygi eða ranghugmynd þeirra! EF þeir VÆRU  að fara að þessari tilskipan, þá væri ekki hægt að halda úti vöktum á langflestum deildum spítalans. Það væri þá, til að mynda bannað að vinna morgunvakt á eftir kvöldvakt, því samkvæmt þessarri vinnutilskipan þá á fólk að eiga 11 TÍMA FRÍ Á MILLI VAKTA. Á LSH er það algilt að þú vinnir kvöldvakt til a.m.k. 23:30 (og jafnvel lengur ef þörf er á) og mætir aftur á morgunvakt kl. 8:00. Engir 11 tímar þar í hvíld eða annað. Og ef það hentar deildinni, máttu gjarnan vinna 16-20 tíma, eða lengur, ef þú vilt.... skítt með þessa Evrópu-tilskipan þar. Þú ert stöðugt að klípa af sjálfum þér og þínu einkalífi og heilbrigði, fyrir ríkisapparat sem stöðugt vill meira og meira og meira..... fyrir ekkert. Vill helst ekki þurfa að borga þér neitt nema lágmarkslaun. Í alvöru, hvenær heldur fólk að heilbrigðisstarfsfólk fái nóg af launamisrétti og yfirgangi yfirmanna sinna?

Ég fullyrði, eftir mína viðdvöl á hinum ýmsu deildum LSH, að EKKI er búið að breyta vaktafyrirkomulagi á síðustu árum, EKKI er verið að vinna eftir vinnutilskipan Evrópusambandsins, starfsfólk er MERGSOGIÐ af spítalanum, langþreytt og útbrunnið langt fyrir aldur fram ...... og nota bene.... þetta er fólkið sem ÞIÐ treystið á í ykkar veikindum og erfiðleikum. Eeeen er verið að fara vel með okkur? Nei, engan veginn. Hvorki af stjórnendum LSH né stjórnvöldum.

En takk til ykkar allra, kæru sem hafið notið okkar í nauð og gleði og líka þakkað okkur, það er auðvitað fyrir ykkur sem við höldum áfram okkar starfi, í sátt eða ósátt við okkar stjórnendur.

 

Vaktakerfið dregið til baka

Athugasemdir

[Hólmdís Hjartardóttir, 1.5.2008 kl. 02:21]

Þetta er allt satt og rétt.Asskoti ertu góð.

[Jóna Kolbrún Garðarsdóttir, 1.5.2008 kl. 02:28]

Er ekki næsta skrefið að bjóða sig fram til þings? Þú ert alveg ótrúlega sannfærandi ég trúi þér alltaf, enda veit ég að þú talar fyrir hönd margra hjúkrunarfræðinga  Hvernig gengur reykbindindið?

[Ómar Sigurðsson (IP-tala skráð) 1.5.2008 kl. 02:36]

Þú ert að ljúga Lilja. Allir sem fylgst hafa með ykkar framgöngu síðustu tíu ár að minsta kosti vita að þið berið hag sjúklinga fyrir borð, vegna fégræðgi.

[Ragna P. (IP-tala skráð) 1.5.2008 kl. 03:49]

Ertað grínast hvað þetta er góð grein hjá þér!!!!!!   Eins og talað út úr mínu hjarta sem hjúkrunarfræðingur á LSH til nokkuð margra ára.  Brann einmitt nett út fyrir 2 árum.......ætla samt að fara vinna þar aftur....því maður vill einhvern veginn hvergi annars staðar vinna :-) ....mætti líkja þessu við vissan masókisma eða eins og einhver sagði "þangað leitar klárinn sem hann er kvaldastur" !!!  Þessi grein þyrfti að komast "lengra".....

Hrósi, hrósi

kv. Ragna

[Lilja G. Bolladóttir, 1.5.2008 kl. 06:18]

já, aldrei að vita, ég er orðin svo þreytt á framgöngu stjórnenda LSH, ekki bara í þeim málum sem hafa verið í fjölmiðlum undanfarið, heldur bara í ÖLLU. Aldrei að vita nema ég bara sendi þetta inn til einhvers blaðs sem myndi vilja birta svona sögu; "from our kind of wiev".....

Gæti auðvitað verið að mér yrði sagt upp í kjölfarið, en gæti lifað með því. Maður verður að standa með sinni sannfæringu og ég myndi frekar hætta en láta kúga mig til skoðana. Maður hefur jú skoðanafrelsi, ..... það hélt ég a.m.k. 

[Sævar Einarsson, 1.5.2008 kl. 07:55]

Lilja G. Bolladóttir ef ég væri ekki trúlofaður myndi ég pottþétt bjóða þér út að borða ! frábær grein hjá þér ! Mig langar að bæta því við að það er löngu tímabært að hreinsa til í yfirstjórn spítalanna og endurskoða allar þessar yfirmannastöður og þetta skrifstofubákn spítalanna sem er GRÍÐARLEGT

[Sævar Einarsson, 1.5.2008 kl. 08:07]

Og ef ég má, þá langar mig að kópera þennan texta og senda á póstvinagrúbbuna mína.

[Guðrún Þorleifs, 1.5.2008 kl. 08:17]

Lilja, enn einu sinni hefur þér með frábærum hætti tekist að tjá þig á skýran og málefnalegan hátt. Þessi grein þín á erindi í blöðin. Það kæmi mér ekki á óvart að skoðanir þínar eigi sterkan hljómgrunn.

Ég hef enga trú á, að þó svo þér yrði sagt upp vegna skoðananna þinna í þessu máli, að þú ættir ekki aðra góða möguleika. Nýttu hæfileika þína stelpa.

Hvatningarkveðja frá Als. 

[Haraldur Bjarnason, 1.5.2008 kl. 08:47]

Gott hjá þér Lilja. - Mér finnst nú allur ferillinn hjá heilbrigðisráðherra og liði hans styðja það sem mér hefur fundist að þetta sé með ásettu ráði gert að hafa allt í kaos á Landspítalanum. Með því verður auðveldara að koma með ohf-væðinguna og í kjölfarið einkavæðingu. Þá verður jú litið á það sem einhverja frelsandi lausn frá því sem nú er. Áherslan á vinnutilskipun ESB er líka liður í þessu. Þeim finnst ágætt að sýna fram á slæmar afleiðingar ESB til að styrkja fólk í trúnni á að þangað höfum við ekkert að sækja, eins og skoðanabræður heilbrigðisráðherra eru með á hreinu. Það sýnir sig hins vegar núna að þrátt fyrir að íslenska ríkið sé búið að skrifa upp á þessa ESB-samþykkt þá er enginn þrýstingur á að taka hana upp, fyrst hægt er að fresta breytingunni á vöktunum um eitt ár. Björn Zoega viðurkenndi líka í tíu-fréttum sjónvarpsins í gærkvöldi að hafa hefði þurft meira samráð við starfsfólk. - Það er alveg ljóst að ef við eigum að vernda okkar ágæta heilbrigðiskerfi þarf að taka mark á starfsfólkinu og hafa það með í ráðum. Gæði sjúkrahúss eru og verða aldrei meiri en ánægja starfsfólks segir til um. Það er undirstaðan. - Ég ætla vona að þessi staðfesta hjúkrunarfræðinganna verði til þess að þeir sem ráða þessum málum í dag læri af mistöknunm í mannlegum samskiptum sem þarna urðu. - Þetta er ágætt umhugsunarefni fyrir okkur inn í daginn í dag, baráttudag verkalýðsins 1. maí. - Stattu þig áfram Lilja!!!

[Leifur Þorsteinsson, 1.5.2008 kl. 10:08]

Hvað er að heyra ertu ekki ein af þeim sem heimtar

evruvæðingu og allt hitt úr evropusambandinu.

Svo er ekki rétt að ekki þurfi að taka upp vinnutilskipun

Evrópu bandalagsin því það höfum við undirgengist með

samingi okkar við EB í samstarfi við EB í EFTA.

Og hvað er þetta, ekki hefur skapast neitt neyðar ástand

í Danmörku þrátt fyrir 2ja vikna verkfall Hjúkrunarfræðinga

þar í landi og í fréttum DR1 í gær var tilkynnt að hefja ætti

viðræður við þá á morgun 2. maí. Er líka ekki ansi málum

blandið að hópuppsagnir séu ekki ólögleg vekföll að minsta

kosti þarf að skera úr því með dómsmeðferð.

Og ég legg til að svo verði gert.

[Leifur Þorsteinsson, 1.5.2008 kl. 10:15]

Ég var ekki búinn að lesa allt,en ég vona að

kunnátta þín á enskri tungu sé nokkuð rétt.

Því sá frasi sem þú viðhefur

"from our kind of wiev"..... segir ótvírætt að

afstað þín sé þræl Pólitísk.

[Sigrún Óskars, 1.5.2008 kl. 10:19]

Lilja þú ert frábær. þetta er allt satt sem þú segir. Það sem heilbrigðisráðherra hefur verið að bulla í sjónvarpi hefur hann frá Önnu Stefánsdóttur og Birni Zöega. Auðvitað trúir hann Önnu og Birni, hann veit ekki betur. Hann veit ekki að þau segja bara það sem hentar hverju sinni og að þau bera enga virðingu fyrir starfsfólki spítalans. Þau þurfa bæði að segja af sér - ekki spurning.

Fyrir hvaða flokk viltu bjóða þig fram Lilja? Þú yrðir frábær á þing!

[Guðrún Þorleifs, 1.5.2008 kl. 13:05]

Hún fer fram fyrir sjálfstæðisflokkinn og tekur Heilbrigðisráðuneytið

[Hólmdís Hjartardóttir, 1.5.2008 kl. 16:58]

Eða  verður formaður hjúkrunarfræðinga

[Lilja G. Bolladóttir, 1.5.2008 kl. 17:41]

Takk öll sömul fyrir kommentin ykkar  Og takk fyrir ykkar skoðanir, við EIGUM að hafa skoðun á því sem gerist í kringum okkur. Annað er ábyrgðaleysi.

Ég hef unnið það víða á LSH og þekki mjög margt starfsfólk úr öllum stéttum, JÁ, OG ÞAРMEIRA AÐ SEGJA MEÐ NAFNI , svo ég veit að ég er langt frá því ein um þessar skoðanir. Við þurfum að láta meira í okkur heyra, en ætli flestir séu hreinlega ekki of úrvinda....

Sævarinn, þér er velkomið að kópera þennan pistil og senda hann áfram, það væri mér heiður

Leifur Þorsteinsson, auðvitað er ég þrælpólitísk, við erum öll pólitísk á einhvern hátt og þú greinilega líka. Ég er hins vegar ekki viss um að þú hafir vit á því sem fram fer innan spítala almennt, af kommenti þínu að dæma. Auðvitað er ekki hentugt fyrir dönsk stjórnvöld að það komi fram á þeirra ríkismiðli, DR1, að neyðarástand skapist af verkfalli hjúkrunarfræðinga í þeirra kjarabaráttu. Það vita það hins vegar allir sem vinna á spítala, að allar stéttir innan spítalans eru ómissandi, allt frá ræstingafólki, eldhúsdömum og riturum til yfirlækna. Verkfall innan raða hvaða stéttar sem er á spítölum raskar starfseminni alltaf mjög mikið og þótt hægt sé að halda úti lágmarksþjónustu við skjólstæðingana á lágmarksmannafla, þá eru ÖLL sjúkrahús lengi að vinna sig úr þeim vandamálum sem verkföllin skapa. Líka dönsk sjúkrahús!!

Og nei, ég heimta ekki Evrópusambandið. Danir hafa ekki komið vel út úr sinni aðild og margir Danir sem vilja ganga úr Evrópusambandinu aftur. Örríki eiga ekki erindi í Evrópusambandið að mínu mati. Fyrir því eru fleiri ástæður en ég nenni að telja upp hér.

Takk fyrir innlitið, öll sömul

[Lilja G. Bolladóttir, 1.5.2008 kl. 18:07]

Ég er bara alveg í spreng að bæta við .....

Leifur! Ég sagði EKKI að það ÞYRFTI EKKI að taka upp þessa tilskipan, ef þú hefðir lesið pistilinn minn betur, þá hefðirðu séð að þar segir margoft, að stjórnvöld og stjórnendur LSH eru hreinlega að LJÚGA því að almenningi, að BÚIÐ sé að gera þetta á mörgum deildum spítalans. Það getur vel verið að það þurfi að taka þessa tilskipun upp, en það er a.m.k. EKKI BÚIÐ AÐ GERA ÞAÐ!!! Og hana nú.