Velþegin læknisaðstoð.....

Fór út að borða með stundum-nefndum Mr. K. á Sjávarkjallarann í gærkvöldi, Sjávarkjallarinn er eitt af mínum "uppáhalds"..... alltaf góður matur, góð þjónusta og mátulega fjörug og góð stemmning. Kíktum rétt aðeins stutt á eitt öldurhúsið áður en við fórum heim.

Vaknaði svo í morgun stífluð á alla kanta, lungun og nefið fullt og höfuðið eins og það væri að springa. Var með pínu hitavellu líka og beinverki, svo ég tók tvær Parkódín og lagði mig aftur. Ástandið batnaði ekki mikið, er bara búin að lifa á Parkódíni í dag, með beinverki, snörlandi nef og fljótandi augu. Býst nú ekki við því að ég taki mér neitt veikindafrí úr vinnu samt.....

Gott að maður er undir lækni(shöndum)  

Athugasemdir

[Jóna Kolbrún Garðarsdóttir, 14.4.2008 kl. 01:58]

Ég var að koma heim úr vinnunni, ég var samt óvinnufær vegna kvefs og hósta.  Einhvernveginn lifði ég það samt af.  Vonandi batnar þér fljótt  Ég fékk sem betur fer ekki beinverki.

[Hólmdís Hjartardóttir, 14.4.2008 kl. 02:06]

Æi batni þér sem fyrst. Ég hef aldrei verið pestargjörn. En frá því á Gamlársdag hef ég tekið hverja pestina á eftir annari. Í morgun kom ég á morgunvakt með mjög bólginn háls. Næturvaktahjúkkan hélt að ég væri með hettusótt.....held nú ekki. Helv.bakið er svo aumt þessa dagana að ég get næstum ekkert legið....sef stutt í einu og oftar. Ef ég fer upp í rúm á skikkanlegum tíma er ég komin á stjá um miðja nótt.

[Lilja G. Bolladóttir, 15.4.2008 kl. 12:41]

Ég segi eignilega það sama og þú, Hólmdís, einhvernveginn hafa flensurnar sogast að mér sl. vikur. Ég hef reyndar ekki mikið tekið mér veikindafrí, hef oft verið hálfslöpp, með snörlandi nef og nokkrar hitakommur í vinnunni en í dag varð ég að játa mig sigraða. Ég bara hreinlega komst varla fram úr í morgun fyrir hita og beinverkjum. Sem mér þótti mjög miður, því ég átti að vera á endurlífgunarnámskeiði allan daginn, sem ég var búin að lesa heilmikið undirbúningsefni fyrir. En svona getur það stundum verið.....

Látið ykkur báðum batna, kvensurnar mínar!!