Grenjandi af gleði í náttbuxunum....

Þvílíkur stórleikur sem strákarnir buðu okkur upp á í hádeginu, ég þori að veðja að atvinnulífið hafi verið lamað þennan tíma í dag á meðan þeir spiluðu. Leikgleðin, baráttan, þeir stoppuðu aldrei og unnu upp forskot á Spánverjana aftur og aftur, þrátt fyrir sorglega nýtingu á mörgum dauðafærum.

Ég skal segja ykkur það að ég grét af gleði og samkennd þegar ein mínúta var eftir í leikslok og íslenska liðið var þegar byrjað að fagna af bekknum. Ég var að rifna af monti yfir að vera Íslendingur og ég er viss um að fleiri hafa átt bágt með sig þá stundina. Mér sýndist Valtýr Björn vera svo hrærður að hann gæti varla talað eftir leikinn og Þorgerður Katrín þurrkaði tár þegar rætt var við hana stuttu seinna í Menntamálaráðuneytinu.

Það er ekki minnsta spurning hvar ég verð á sunnudagsmorguninn, ekkert fær stöðvað mig í að horfa á úrslitaleikinn.

Áfram strákar, djöfull eruð þið flottir!!!  

Athugasemdir

[Jenný Anna Baldursdóttir, 22.8.2008 kl. 16:14]

Mér finnst nú lámark að "dragta" sig upp þegar maður horfir á íþróttahetjur.

Það gerði ég, ég sveiflaði mér í Prada.  Jájá og hælaskó (í huganum).

[Lilja G. Bolladóttir, 22.8.2008 kl. 16:18]

Haha, ég var eins óíþróttamannsleg og hugsast getur, í röndóttum náttbuxum, kókglas á borðinu og með sígarettu í munninum.....

[Jóna Kolbrún Garðarsdóttir, 22.8.2008 kl. 20:05]

Ég er lurkum lamin og með harðsperrur eftir þennan ótrúlega skemmtilega leik  

[Lilja G. Bolladóttir, 22.8.2008 kl. 22:37]

Ó já Jón, ég er alveg sammála þér, ég táraðist líka aftur af stolti yfir strákunum og þjóðarstolti þegar ég horfði á fréttirnar í kvöld..... þetta er alveg frábært og ég held að ég hafi aldrei verið jafn stolt af mínu þjóðerni fyrr.

Áfram Ísland!!!

[Lilja G. Bolladóttir, 22.8.2008 kl. 23:02]

Gott hjá þér "danske"mand, og viltu ekki líka skrifa á fánann: LIGGALIGGALÁI.....

[Helga Björg, 23.8.2008 kl. 11:31]

já áfram Ísland :) maður er alveg á miljón að útskýra hér fyrir fólki hvernig íþrótt þetta er um leið og maður montar sig á að vera Íslendingur :):) það er þó Íslendingur sem er landsliðsþjálfari hér núna :) svo maður er búin að vera að reya að útskýra fyrir fólki íþróttina um leið og maður hefur montað sig af því

[Hólmdís Hjartardóttir, 24.8.2008 kl. 02:04]