Mánudagur..... ekki til mæðu...

Það er mánudagsmorgunn og ég ætla EKKI að blogga um pólitík í dag. Ég ætla ekki einu sinni að hugsa um pólitík í dag. Fyrir flesta er mánudagur upphaf nýrrar vinnuviku en fyrir vaktavinnufólk eins og mig, getur þessi dagur líka táknað lok vinnuviku. Þannig er mánudagurinn í dag hjá mér. Er búin að ljúka helgarvinnutörn, svo núna á mánudagsmorgni er ég hálfnuð með vinnuskyldu vikunnar og þarf ekki að mæta aftur í vinnu fyrr en á fimmtudag.

Þrátt fyrir vinnuhelgi gafst tími til kvöldstundar með nærfjölskyldunni og meira að segja tókst undirritaðri að sporðrenna nokkrum hvítvínsglösum og white russian...  í bland við himneska sjávarréttasúpu mömmu minnar og ljúfan félagsskap.

Í dag er fallegur dagur, sólin skín og Esjan blasir snjóhvít við mér út um eldhúsgluggann. Ég ætla að leyfa mér að trúa á allt það góða í dag og jafnvel alla vikuna. Njóta þess að vera í fríi og njóta þess að hugsa ekki um slæma efnahagsstöðu okkar Íslendinga, heimskreppuna, nýju ríkisstjórnina eða annað álíka leiðinlegt. Á föstudaginn er árshátíð slysa- og bráðasviðs Landspítalans og ég ætla jafnvel bara að hlakka til alla vikuna. Hlakka til að skemmta mér með vinnufélögum mínum. Hlakka til að leiða minn kæra Mr. K. á ballinu og smella á hann kossi.... kannski kossum.... Ég ætla að hlakka til að klæða mig upp, krulla hárið, fá mér hvítvínsglas í baði og ég ætla svo sannarlega að hlakka til að hlæja.... sem er alveg öruggt að ég mun gera í svo góðum félagsskap sem ég verð í á föstudagskvöldið. Ég ætla að eyða allri vikunni í að vera glöð og hugsa um sjálfa mig. Dekra við sjálfa mig. Ég ætla líka að liggja uppi í sófa og lesa. Jafnvel ætla ég að splæsa einhverju á mig í vikunni. Ég veit ekki hverju, en ég mun finna eitthvað verðugt og verðskuldað.

Ójá, þetta verður góð vika, ég bara finn það á mér

Athugasemdir

[Þórarinn Þ Gíslason (IP-tala skráð) 2.3.2009 kl. 13:09]

Hæ Lilja.

Fín færsla.

OG Let it Be.

Kveðja.

[Róslín A. Valdemarsdóttir, 2.3.2009 kl. 15:16]

Krúttfærsla!
Eigðu gott frí frænka mín

Knús

[Jóna Kolbrún Garðarsdóttir, 2.3.2009 kl. 15:56]

Já, það er fallegur dagur sólin skín og fuglarnir syngja. 

[Guðrún Þorleifs, 2.3.2009 kl. 17:42]

Glæsilegir möguleikar fólgnir í svona plani!!!

Kveðja frá Köben

[Jenný Anna Baldursdóttir, 2.3.2009 kl. 18:02]

[Sigrún Jónsdóttir, 2.3.2009 kl. 21:02]

Góða skemmtun á árshátíðinni og njóttu frídaganna

[Guðrún Þorleifs, 2.3.2009 kl. 22:17]

Glæsilegir möguleikar fólgnir í svona plani!!!

Kveðja frá Köben

[Einar Indriðason, 3.3.2009 kl. 07:47]

Bara gaman að horfa inn í nýja viku með svona nesti :-)

Góða skemmtun á árshátíðinni :-)

[Ásta Kristín Svav. (IP-tala skráð) 3.3.2009 kl. 10:40]

Mér líkar vel við þetta plan! Getur barasta ekki klikkað, ásetningurinn er greinilega frá innstu hjartarótum, njóttu góðu vikunnar!

[Hólmdís Hjartardóttir, 4.3.2009 kl. 03:24]

njóttu

[Sigrún Óskars, 5.3.2009 kl. 17:46]

góða skemmtun á föstudagskvöldið og njóttu vikunnar

[Kristín Bjarnadóttir, 5.3.2009 kl. 21:37]

þetta er alveg jafn hlý og tilfinningaheit færsla eins og sú síðasta var bláköld.

Báðar fara þér jafn vel.