Og viljum við ganga í ESB?

Áminning til þeirra sem eru fylgjandi Evrópusambandinu. Ísland mun engu ráða þar, mun hafa lítil áhrif, eins og aðrar örþjóðir í ESB, við munum þurfa að gefa upp okkar sérstöðu og aðlaga okkur að þörfum og áherslum annarra og stærri þjóða. Danir eru ekki ánægðir með sína aðild að sambandinu og kannanir í Danmörku í dag og síðustu ár sýna, að flestir Danir vilja ganga úr Evrópusambandinu aftur.

Við þurfum að íhuga það vel, eftir hverju við erum að sækjast í rauninni, ef við viljum inngöngu í Evrópusambandið. Við erum alls ekkert illa stödd án þess.

Danir segja að ESB hafi keyrt yfir þá í hvalamáli

Athugasemdir

[Hjörtur J. Guðmundsson, 8.6.2008 kl. 18:42]

Heyr! Heyr!

[Rafn Haraldur Sigurðsson (IP-tala skráð) 8.6.2008 kl. 18:58]

Sammála.

[Guðmundur Brynjólfsson (IP-tala skráð) 8.6.2008 kl. 19:17]

Svona mál eru mjög mörg og yfirleitt reynt að þagga þau í hel hérlendis - tekst það allt misvel. Þetta rataði sennilega til okkar af því að það er verið að ræða hvalveiðar. Það er svo margt alveg gjörsamlega fáránlegt í skrifræði Evrópusambandsins t.d. þetta sem þessi breski þingmaður bendir á og styður með góðum rökum og dæmum:

http://heimssyn.blog.is/blog/heimssyn/entry/546757/ 

[Sigrún Óskars, 8.6.2008 kl. 21:08]

Ég er líka sammála þér, við hefðum engin áhrif.

[Lilja G. Bolladóttir, 8.6.2008 kl. 21:45]

Vonandi verður ESB ekki að veruleika, ef til þjóðaratkvæðagreiðslu kemur...... sem líklega gerist ekki meðan Geir H. Haarde situr í forsætisráðherrastólnum, sem honum er farið að líða vel í.

Guðmundur, takk fyrir ábendinguna. Þetta er áhugaverð lesning!!

[Halla Rut , 8.6.2008 kl. 23:12]

Algjörlega sammála þér Lilja. Við skulum áfram vera húsbóndar á okkar heimili.

[Lilja G. Bolladóttir, 8.6.2008 kl. 23:42]

Hæ Halla, við erum sammála í þessu eins og mörgu..... nema ég vil vera "bændur" en ekki "bóndar"  

Ég er bara íslenskufrík, en skal fúslega viðurkenna að ég hef einhverntímann í hita leiksins, gert nákvæmlega sömu málfræðivillu..... og var þá skömmuð villt af móður minni..... líklega þess vegna sem ég er alltaf að leiðrétta aðra......

[Sturla Snorrason, 8.6.2008 kl. 23:43]

Algjörlega sammála, látum ekki plata okkur.

[Jóna Kolbrún Garðarsdóttir, 10.6.2008 kl. 02:52]

Ég er á móti inngöngu í ESB,  ég held að það sé spillt veldi sem heldur þjóðum í helgreipum.

[Babbitt (IP-tala skráð) 10.6.2008 kl. 11:34]

Ef þú ert tilbúin að búa við mestu sveiflur í gjaldmiðli, hæstu verðbætur og verðtryggð lán sem um getur (fyrir utan Zimbabve), þá skaltu vera á móti ESB. Viljirðu hinsvegar eiga von á jafnara efnahagsumhverfi þar sem fólk getur gert áætlanir fram í tímann, þá er aðild að ESB trúlega raunhæfasti kosturinn.

Þetta með að ráða okkur sjálf - er það að láta arfavitlausa alþingismenn og ráðherra taka ákvarðanir? Sem gagnast hverjum - almenningi eða sérhagsmunum, t.d. LÍU mafíunni? Ef þú heldur að tæplega 30 evrópskar þjóðir sem eru ESB aðilar (þar á meðal Danmörk, Svíþjóð og Finnland) "stjórnist af spillingu" þá veit ég ekki hvar ætti að segja um önnur ríki heimsins, þ.m.t. Ísland. Hér ríkir mikil spilling á mörgum sviðum.

[Hólmdís Hjartardóttir, 10.6.2008 kl. 15:23]

Ég vil skoða aðild....og fæ ekki séð að útlend spilling sé neitt verri en sú sem viðgengst hér.