Hana-at í g-streng í stað kosninga!!

Jahá, mitt summary vantaði eiginlega í síðustu bloggfærslu, en hlýtur nú að vera það, að ég skil nú greinilega alls ekkert í þessu lýðræði lengur. Væri ekki bara ódýrara fyrir okkur borgarbúa..... og jafnvel kjósendur almennt..... að sleppa bara kosningunum og halda frekar hana-at í mannamynd, þar sem sá sem goggar mest, svíkur mest, lýgur best og hraðast og bítur fastast frá sér, vinnur. Það væri a.m.k. vissulegra skemmtilegra fyrir okkur, "þau heimsku", að fylgjast með blessuðum strumpunum með Villa æðstastrump í fararbroddi, (sem að sjálfsögðu yrði að bera rauðan hanakamb á höfði), hoppandi um á einum fæti, með hendur bundar fyrir aftan bak - íklædd Tarzan skýlu, eða jafnvel g-streng. Það væri at og klæði sem hæfðu virðingunni, að mínu mati. Mætti jafnvel gera úr þessu einhverskonar sjónvarpsþátt, einhvern þátt sem tæki við af Laugadagslögunum jafnvel..... eitthvað sem héldi allri fjölskyldunni samhentri yfir sjónvarpinu. Fjölmiðlar gætu jafnvel birt einhverskonar úrslitatöflu, einhverja í stíl við þá sem þeir birta fyrir Eurovision. Já, ég held að þetta yrði jafnvel lýðræðislega og réttlátasta kosningin. Og þá fengjum við kjósendur kannski loksins eitthvað fyrir peningana okkar ..... smá skemmtun að kaupauki!!

Athugasemdir

[Hólmdís Hjartardóttir, 24.1.2008 kl. 21:21]

[Jóna Kolbrún Garðarsdóttir, 25.1.2008 kl. 02:14]

Frábær hugmynd

[Sigrún Óskars, 25.1.2008 kl. 09:59]

Góð hugmynd og í stíl við það sem gerst hefur undanfarna daga. Svo yrðu verðlaun fyrir besta búninginn.

[Helga Linnet, 31.1.2008 kl. 14:56]

geggjuð hugmynd